O vindeiro luns 29 de xullo ás 20:30 horas comeza a pretemporada o CD BAIO no Platas Reinoso. Cando se cumpre pouco máis dun mes do final da temporada anterior, rematada co magnífico ascenso á 1ª Autonómica, toca poñerse de novo a funcionar, con novos e importantes retos que nos agardan por diante.
De primeiras, o CD BAIO conta con nova Xunta Directiva. Despois dos catro anos que estivo baixo o mandato de DIEGO DÍAZ, este renunciou a ser reelixido. A maioría dos membros da anterior xunta consideraron que se podía seguir na liña marcada con outra persoa á cabeza, e escolleron a CHEMA REY para que encabezase esta candidatura, que ao final foi a única que se presentou para facerse cargo do club. E agora presentámosvos a nova xunta directiva, formada por practicamente as mesmas persoas que o ano anterior, coas baixas de Diego Díaz e Carlos Rodríguez. Estes son os directivos e os seus cargos:
PRESIDENTE: Chema Rey Lema.
VICEPRESIDENTE: Manuel Mouzo Doval.
SECRETARIO: Miguel A. Fernández López.
TESOUREIRO: Luis B. Álvarez Astray.
VICETESOUREIRA: Martina López Romero.
VOGAIS: Verónica Canosa Mouzo, F. Javier Castiñeira Fuentes, Rebeca Facal Fuentes, Marcos Fuentes Romero, Joaquín Lema Senande, Iván López Romero, Cristóbal Paredes Montero.
O plantel do primeiro equipo continuará dirixido por FÉLIX GARCÍA RAPOSO, coa preparación física de EFRÉN RODRÍGUEZ GALLEGO, e conta cos seguintes xogadores:
Porteiros: Anxo, Manuel.
Defensas: Chema, Eloy, Fredi, José Antonio, Mario, Pablo, Ramón.
Medios: Alberto, Bieito, Fachal, Martín, Norberto, Rubio, Yago.
Dianteiros: Canay, Martín MC, Valentín.
Van facer a pretemporada co primeiro equipo os xuvenís: Anxo, Christian, David, Guillermo, Pablo Costiña e Santi Díaz.
Como xa informamos foron alta Bieito e Canay, procedentes do Ponteceso, e Fachal, que se incorpora desde os xuvenís. Pola contra, causaron baixa Eloy Vilas (Malpica), Jorge e Pardo.
Xa están practicamente pechados os encontros de pretemporada que vai disputar o equipo, aínda que algúns poden variar por compromisos dalgúns dos rivais (Copa Deputación). En principio son estes os partidos programados:
07 de agosto: CD BAIO - SD SONEIRA
10 de agosto: Triangular CD BAIO-SD ABADÍN-RIAL CF
17 de agosto: CD BAIO - LARACHA CF
21 de agosto: CD BAIO - CF DUMBRÍA
28 de agosto: CD BAIO - AT. ARTEIXO
1 de setembro: CD BAIO - SP. ZAS
No hay comentarios:
Publicar un comentario